e-text/pdf

♦ Jayarāśi’s Tattvopaplavasiṃha §7.1, the Sanskrit e-text

The following is the transliteration, with few notes, of the 1st paragraph of the 7th section of the Tattvopaplavasiṃha, in which Jayarāśi introduces his criticism to the Nyāya concept of anumāna, which will be thoroughly developed in the following sections. This portion of the text is not included neither in Eli Franco’s edition and translation (which takes into consideration only the part on pratyakṣa), nor in the GRETIL database, thus I hope it could be helpful for those interested in it. SP refers to the page number in Sanghavi and Parikh edition.


[7. naiyāyikābhimatasyānumānasya nirasanam]

atha idānīm anumānaṃ vicāryate

kiṃ punar anumānam tatpūrvakam anumanam katham

kathyate rasavatīpradeśe nayanādivyāpāreṇa dahanadhūmayoḥ sambandhāvadhāraṇaṃ kriyate tena ca saṃskāraḥ taduttarakālaṃ dvitīyaliṅgadarśanam tadanantaram vyāptismaraṇam vyāptismaraṇāntaraṃ parāmarśajñānam anumanaṃ liṅgasacivam |

[SP 65] tad abhāve tasyābhāvaḥ tatpūrvakatvāt | na hi[1] kāraṇaṃ vinā kāryaṃ loke bhavad dṛṣṭam pratyakṣaṃ ca kāraṇaṃ gīyate tadabhāvāt katham anumānakḷptiḥ kḷptau vā kāryākasmikatvaprasaṅgāt | pratyakṣābhāvam aṅgīkṛtya uktam avinābhāvasambandhasya grahītum aśakyatvāt |

ito’pi[2] avinābhāvasambandhagrahaṇānupapattiḥ

kiṃ sāmānyayoḥ sambandhāvadhāraṇam āho svalakṣaṇayoḥ sāmānyasvalakṣaṇayor vā

tad yadi samānyayoḥ sambandhāvadhāraṇam tad ayuktam sāmānyānupapatteḥ | tadanupapatiś ca prāg evopapāditā |

nāpi sāmānyasvalakṣaṇayoḥ sāmānyāsaṃbhavād eva |

nāpi svalakṣaṇayoḥ dahanadhūmavyaktīnām ānantyāt abhinnānekānugāminimittāsaṃbhavāc ca |

tadbhave’pi ānantyasyānativṛtteḥ ativṛttau vā bhāvābhāvaprasaṅgaḥ tatprasaktau ca vada idānīṃ kasya sambandhāvadhāraṇam

deśakalasvabhāvaviprakarṣāc ca na vyaktīnāṃ sambandhāvadhāraṇāya alaṃ pratyakṣam |

na ca sambandhigrahaṇam antareṇa sambandhabuddher upapattiḥ tadadhikaraṇatvāt sambandhatadbuddhyoḥ |

na ca sambandhagrahaṇasamaye sarve sambandhino’vabhānti apratibhāsanāt |

na ca apratīyamanasya pratīyamānatvaṃ kalpayituṃ nyāyyam atiprasaṅgāt | anyathā hi rāsane vijñāne rase pratīyamāne rūpam api kalpyaṃ syāt |

atha avinābhāvasambandhagrahaṇakālopalakṣitakatipayavyaktīnāṃ sambandhāvadhāraṇam na sarvāsām iti cet yady evaṃ tāsām eva gamakatvaṃ nānyāsām | na hi[3] anyasya sambandhe anyasya gamakatvam asti atiprasaṅgāt |

na jātu devadattanayanaghaṭasambandhe jāte jalādau jñānam utpadyate niyatadeśakālasvabhāvā[SP 66]yogitvāt svabhāva… … …syāt |

ātmānyatve ca anyasya sambandhe anyasyāgamakatvam tadākāravyatirekāt |

avyatireke vā parvate naikabalakṛ… … …dhūmākārānupraveśaprasaṅgaḥ syāt |

tadanupraveśe ca na tatsaṃvittyānumeyā agnisaṃvittir upapadyate nālikeradvīpavāsina iva tayoḥ sambandhānavagateḥ |

tadanavagatiś ca anumeyadahanasya piśāceśvaratulyatvāt |

pavakasambandhisaṃvittau sambandhabuddher upapattir atiprasaṅgāt | tasmāt dhūmā… … …liṅgāvagama ivā… … …

… … …tāttvikyā dṛṣṭyā na kenāpy utpādyate iti kin na kalpyate dhūmabalena… … …dhūmadhūmasvarūpaṃ kim adhunotpannam cirotpannam karaṇād vā jātam ākasmikam… … …mātrāvadyopakatvena paryavasite ākasmikam api svarūpam upapadyate jagato vaiśvarūpyadarśanāt |

atha ākasmikatve niyatadeśakālasambandhitvaṃ na labhyate tan na yuktam tatsvabhāvasya tasyotpatter ākasmikaniyatadeśakālasambandhābhāvānavagateḥ |

evambhūtaṃ[4] tat kāraṇaṃ vinotpannaṃ yat niyatadeśakālapratiṣṭhitadeham |

evaṃ ca sthite dhūmopalambhe sati nānumeyāgnipratipattiḥ anupalambhāt |



[1] SP: nahi.

[2] SP: itopi.

[3] SP: nahi.

[4] SP: evaṃbhūtaṃ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s